Su-e-maqtal Koi Dam Sath Chale
su-e-maqtal koi dam sath chale
jis ko rakhna ho bharam sath chale
isi hasrat mein kaTi rah-e-hayat
koi do-chaar qadam sath chale
KHar-zaron mein jahan koi na tha
ban ke ham-dam tere gham sath chale
hum se rindon ka Thikana kya hai
tum kahan shaiKH-e-haram sath chale
wadi-e-shab ki kaThin rahon mein
log katra gae kam sath chale
Akhtar Lakhnvi 
(608) Peoples Rate This