وعدہ اس ماہرو کے آنے کا
وعدہ اس ماہرو کے آنے کا
یہ نصیبہ سیاہ خانے کا
کہہ رہی ہے نگاہ دز دیدہ
رخ بدلنے کو ہے زمانے کا
ذرے ذرے میں بے حجاب ہیں وہ
جن کو دعوی ہے منہ چھپانے کا
حاصل عمر ہے شباب مگر
اک یہی وقت ہے گنوانے کا
چاندنی خامشی اور آخر شب
آ کہ ہے وقت دل لگانے کا
ہے قیامت ترے شباب کا رنگ
رنگ بدلے گا پھر زمانے کا
تیری آنکھوں کی ہو نہ ہو تقصیر
نام رسوا شراب خانے کا
رہ گئے بن کے ہم سراپا غم
یہ نتیجہ ہے دل لگانے کا
جس کا ہر لفظ ہے سراپا غم
میں ہوں عنوان اس فسانے کا
اس کی بدلی ہوئی نظر توبہ
یوں بدلتا ہے رخ زمانے کا
دیکھتے ہیں ہمیں وہ چھپ چھپ کر
پردہ رہ جائے منہ چھپانے کا
کر دیا خوگر ستم اخترؔ
ہم پہ احسان ہے زمانے کا
(741) ووٹ وصول ہوئے
Wada Us Mah-ru Ke Aane Ka In Urdu By Famous Poet Akhtar Shirani. Wada Us Mah-ru Ke Aane Ka is written by Akhtar Shirani. Enjoy reading Wada Us Mah-ru Ke Aane Ka Poem on Inspiration for Students, Youth, Girls and Boys by Akhtar Shirani. Free Dowlonad Wada Us Mah-ru Ke Aane Ka by Akhtar Shirani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends