Nigah-e-lutf Kya Kam Ho Gai Hai
nigah-e-lutf kya kam ho gai hai
mohabbat aur mohkam ho gai hai
tabiat kushta-e-gham ho gai hai
charagh-e-bazm-e-matam ho gai hai
maal-e-zabt-e-paiham ho gai hai
masarrat hasil-e-gham ho gai hai
tamanna jab baDhi hai apni had se
to mayusi ka aalam ho gai hai
na jaane kyun adawat hi adawat hai
sirisht-e-ibn-e-adam ho gai hai
hai mahw-e-raqs har barg-e-chaman par
baDi bebak shabnam ho gai hai
hansi honTon par aate aate 'aKHtar'
payam-e-girya-e-gham ho gai hai
Aleem Akhtar 
(718) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544