Apni Jaulan-gah Zer-e-asman Samjha Tha Main
apni jaulan-gah zer-e-asman samjha tha main
aab o gil ke khel ko apna jahan samjha tha main
be-hijabi se teri TuTa nigahon ka tilism
ek rida-e-nil-gun ko aasman samjha tha main
karwan thak kar faza ke pech-o-KHam mein rah gaya
mehr o mah o mushtari ko ham-inan samjha tha main
ishq ki ek jast ne tai kar diya qissa tamam
is zamin o aasman ko be-karan samjha tha main
kah gain raaz-e-mohabbat parda-dari-ha-e-shauq
thi fughan wo bhi jise zabt-e-fughan samjha tha main
thi kisi darmanda rah-rau ki sada-e-dardnak
jis ko aawaz-e-rahil-e-karwan samjha tha main
Allama Iqbal 
(2295) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544