سوالوں میں خود بھی ہے ڈوبی اداسی
سوالوں میں خود بھی ہے ڈوبی اداسی
کہیں لے نہ ڈوبے مجھے بھی اداسی
شب و روز چلتی ہے پہلو سے لگ کر
گلے پڑ گئی ایک ضدی اداسی
فضاؤں کی رنگت نکھرنے لگی ہے
ہوئی شام پھر دل میں لوٹی اداسی
ذرا چاند کیا آیا میری طرف کو
ستاروں نے جل بھن کے اوڑھی اداسی
شبستاں میں غم کی نہ شمعیں جلاؤ
کہیں جاگ جائے نہ سوئی اداسی
ذرا دیر لوگوں میں کھل کر ہنسی پھر
سر بزم آنکھوں سے ٹپکی اداسی
اسے یاد تھی کل کی تاریخ شاید
سسکتی رہی لے کے ہچکی اداسی
جمی تھی مرے سرد سینے میں کب سے
تپش پا کے اشکوں کی پگھلی اداسی
کترتی ہے دل کے شجر کی یہ خوشیاں
تری یاد ہے یا گلہری اداسی
کبھی ہم تھے جن کی دعاؤں میں شامل
انہیں تک نہ پہنچی ہماری اداسی
تری یاد کے اب نشاں تک نہیں ہم
مگر دل میں رہتی ہے اب بھی اداسی
نگاہوں میں حد نظر تک ہے رقصاں
اداسی اداسی اداسی اداسی
(714) ووٹ وصول ہوئے
Sawalon Mein KHud Bhi Hai Dubi Udasi In Urdu By Famous Poet Alok Mishra. Sawalon Mein KHud Bhi Hai Dubi Udasi is written by Alok Mishra. Enjoy reading Sawalon Mein KHud Bhi Hai Dubi Udasi Poem on Inspiration for Students, Youth, Girls and Boys by Alok Mishra. Free Dowlonad Sawalon Mein KHud Bhi Hai Dubi Udasi by Alok Mishra in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends