Main Apni Wusaton Ko Us Gali Mein Bhul Jata Hun
main apni wusaton ko us gali mein bhul jata hun
na jaane kaun se jadu ke hathon mein khilauna hun
safar ye paniyon ka jab mujhe be-ab karta hai
main dariya ki rupahli ret ko bistar banata hun
sawalon ke kai patthar uThae log baiThe hain
main apna nanha bachcha qabr mein dafna ke lauTa hun
na jaane kis faza mein kho gaya wo dudhiya aanchal
ki jis ke faiz se main kitni aaankhon ka ujala hun
wo suraj mere chaaron samt hai phaila hua lekin
main akasr ajnabi dhundlahaTon mein Dub jata hun
lipaT jati hai meri ungliyon se KHud shafaq aa kar
sahar ki samt jab main apne hathon ko baDhata hun
koi to hai ki jo mujh ko ujale baKHsh jata hai
ba-zahir main kisi tarik Tapu mein akela hun
mere sine mein 'amabar' ek dhanak si phail jati hai
main apne aansuon ki chandni mein sher likhta hun
Ambar Bahraichi 
(866) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544