Rahte Hue Qarib Juda Ho Gae Ho Tum

rahte hue qarib juda ho gae ho tum

banda-nawaz jaise KHuda ho gae ho tum

majburiyon ko dekh ke ahl-e-niyaz ki

shayan-e-e'tibar-e-jafa ho gae ho tum

hota nahin hai koi kisi ka jahan rafiq

un manzilon mein rah-numa ho gae ho tum

tanha tumhin ho jin ki mohabbat ka aasra

un bekason ke dil ki dua ho gae ho tum

de kar nawed-e-naghma-e-gham saz-e-ishq ko

TuTe hue dilon ki sada ho gae ho tum

'anwar' gunahgar o KHata-war hi sahi

sar-taba-pa ata hi ata ho gae ho tum

(828) Peoples Rate This

Your Thoughts and Comments

Rahte Hue Qarib Juda Ho Gae Ho Tum In English By Famous Poet Anwar Sabri. Rahte Hue Qarib Juda Ho Gae Ho Tum is written by Anwar Sabri. Read famous Poem Rahte Hue Qarib Juda Ho Gae Ho Tum for youth and Student by Anwar Sabri. Free Download Rahte Hue Qarib Juda Ho Gae Ho Tum in PDF.