Ye Duniya Hai Use Dar-ul-fitan Kahna Hi PaDta Hai
ye duniya hai use dar-ul-fitan kahna hi paDta hai
yahan har rahbar ko rahzan kahna hi paDta hai
wafur-e-aql-e-insan se baDhi insan-kushi itni
wafur-e-aql ko diwana-pan kahna hi paDta hai
wo sahra jis mein kaT jate hain din yaad-e-bahaaran se
ba-alfaz-e-digar us ko chaman kahna hi paDta hai
gul-afshani-e-guftar-e-mujahid be-asar ho jab
to us ko qissa-e-dar-o-rasan kahna hi paDta hai
yahan kitnon ke ji chhuTe yahan kitnon ke dam TuTe
wafa ki rah ko himmat-shikan kahna hi paDta hai
Arsh Malsiyani 
(719) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544