Be-aman Hun In Dinon Main Dar-ba-dar Phirta Hun Main
be-aman hun in dinon main dar-ba-dar phirta hun main
main mawaddat hun wafa hun KHair ka jazba hun main
dil ki maujon mein bapa kar ke talatum-KHezyan
apne andar ki zaminen kaTta rahta hun main
khel hai sarkash hawaon ke liye mera wajud
kam-tanabi jis ki qismat hai wo ek KHema hun main
hai mukammal waqt ke suraj pe mera inhisar
zindagi ke panw se lipTa hua saya hun main
aisi hi be-chehragi chhai hui hai shahr mein
aap-apna aks hun main aap aaina hun main
kab milegi mujh ko 'sarim' is aziyyat se najat
zehn-o-dil ki kashmakash mein raat din uljha hun main
Arshad Jamal 'Sarim' 
(852) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544