Hawa Ke Pas Bas Ek Taziyana Hota Hai
hawa ke pas bas ek taziyana hota hai
isi se shahr o shajar ko Darana hota hai
wo sari baaten main ahbab hi se kahta hun
mujhe harif ko jo kuchh sunana hota hai
munafiqon mein shab-o-roz bhi guzarta hun
aur un ki zad se bhi KHud ko bachana hota hai
kitab-e-umr bhari ja rahi hai lekin kyun
na koi lafz na chehra purana hota hai
wahan bhi mujh ko KHuda sar-buland rakhta hai
jahan saron ko jhukae zamana hota hai
Asad Badayuni 
(861) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544