Ishwon Ki Hai Na Us Nigah-e-fitna-za Ki Hai
ishwon ki hai na us nigah-e-fitna-za ki hai
sari KHata mere dil-e-shorish-ada ki hai
mastana kar raha hun rah-e-ashiqi ko tai
kuchh ibtida ki hai na KHabar intiha ki hai
khilte hi phul bagh mein pazh-murda ho chale
jumbish rag-e-bahaar mein mauj-e-fana ki hai
hum KHastagan-e-rah ko rahat kahan nasib
aawaz kan mein abhi bang-e-dara ki hai
Duba hua sukut mein hai josh-e-arzu
ab to yahi zaban mere muddaa ki hai
lutf-e-nihan-e-yar ka mushkil hai imtiyaz
rangat chaDhi hui sitam-e-barmala ki hai
Asghar Gondvi 
(887) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544