Ye Dil Mein Waswasa Kya Pal Raha Hai
ye dil mein waswasa kya pal raha hai
tera milna bhi mujh ko khal raha hai
jise main ne kiya tha be-KHudi mein
jabin par ab wo sajda jal raha hai
mujhe mat do mubarakbaad-e-hasti
kisi ka hai ye saya chal raha hai
sar-e-sahra sada dil ke shajar se
barasta dur ek baadal raha hai
fasad-e-laghzish-e-taKHliq-e-adam
abhi tak hath yazdan mal raha hai
dilon ki aag kya kafi nahin hai
jahannam be-zarurat jal raha hai
Asif Raza 
(877) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544