کہیں پہ قرب کی لذت کا اقتباس نہیں

کہیں پہ قرب کی لذت کا اقتباس نہیں

ترے خیال کی خوشبو بھی آس پاس نہیں

ہزار بار نگاہوں سے چوم کر دیکھا

لبوں پہ اس کے وہ پہلی سی اب مٹھاس نہیں

سمندروں کا میں نمکین پانی کیسے پیوں

پیاسا ہوں مگر اتنی زیادہ پیاس نہیں

سجا کے بوتلیں ٹیبل پہ منتظر ہوں مگر

قریب و دور نگاہوں کے وہ گلاس نہیں

تمہارے کپڑے کہیں گرد میں نہ اٹ جائیں

یہ خشک پتوں کا بستر ہے نرم گھاس نہیں

یہ اور بات کہ مجھ سے بچھڑ کے خوش ہے مگر

وہ کیسے کہہ دے کہ میں ان دنوں اداس نہیں

بجھی بجھی سہی یہ دھوپ کم نہیں اسلمؔ

اب اس کے بعد کسی روشنی کی آس نہیں