Aisa Ye Dard Hai Ki Bhulaya Na Jaega
aisa ye dard hai ki bhulaya na jaega
mear-e-ishq un se baDhaya na jaega
is bar un se kah do qadam soch kar rakhen
ujDa jo phir ye shahr basaya na jaega
jo log bughz dil mein chhupae hain aaj bhi
un se mere makan mein aaya na jaega
haq baat bolne se kiya jis kisi ne KHauf
mahfil mein phir kabhi bhi bulaya na jaega
the muttafiq to baat se meri sabhi magar
shewa mera KHayal banaya na jaega
shayad isi liye nahin aae wo mere pas
jo aa gae to chhoD ke jaya na jaega
gar ehtiram kar na sake bazm-e-naz ka
sharmindagi se sar ko uThaya na jaega
zahr-ab mere waste wo le to aaega
saqi se jam hum ko pilaya na jaega
'asra' bana lo shauq ko apne junun ki aag
ek bar bujh gai to jalaya na jaega
Asra Rizvi 
(1503) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544