Dilon Ke Dard Jaga KHwahishon Ke KHwab Saja
dilon ke dard jaga KHwahishon ke KHwab saja
bala-kashan-e-nazar ke liye sarab saja
mahak raha hai kisi ka badan sar-e-mahtab
mere KHayal ki Tahni pe kya gulab saja
koi kahin to sune tere arz-e-haal ka habs
hawa ki rehl pe aawaz ki kitab saja
wo kya talab thi tere jism ke ujale ki
main bujh gaya to mera KHana-e-KHarab saja
tamam shab tha tera hijr tera aaina-gar
tamam shab mere pahlu mein aaftab saja
na tu hai aur na main hun na wasl hai na firaq
saja sharab saja ja-ba-ja sharab saja
'ata' ye aankh dhanak manzilon ki chah mein thi
chhaTa jo abr ghani tirgi ka bab saja
Ata Shad 
(999) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544