Kaisa Manzar Guzarne Wala Tha

kaisa manzar guzarne wala tha

aankh se Dar guzarne wala tha

wo ajab rahguzar thi jis ka

mustahiq har guzarne wala tha

waqt se main guzar raha tha magar

waqt mujh par guzarne wala tha

ek hi dil mila tha aur dil bhi

kuchh na kuchh kar guzarne wala tha

us ne bheje the ashk manzar mein

KHushk se tar guzarne wala tha

mere raste ko kar diya hamwar

mujh se behtar guzarne wala tha

jaan hatheli pe rakh ke maqtal se

ek KHud-sar guzarne wala tha

main ne zanjir rail mein khinchi

jab mera ghar guzarne wala tha

shukr hai kaam aa gai hikmat

KHair se shar guzarne wala tha

main wahi kar nahin saka sad-haif

kaam jo kar guzarne wala tha

mere dil ki hawa se 'zeb' us din

mor ka par guzarne wala tha

(626) Peoples Rate This

Your Thoughts and Comments

Kaisa Manzar Guzarne Wala Tha In English By Famous Poet Aurangzeb. Kaisa Manzar Guzarne Wala Tha is written by Aurangzeb. Read famous Poem Kaisa Manzar Guzarne Wala Tha for youth and Student by Aurangzeb. Free Download Kaisa Manzar Guzarne Wala Tha in PDF.