Nahin Hai Par Koi Imkan Ho Bhi Sakta Hai
nahin hai par koi imkan ho bhi sakta hai
wo ek shab mera mehman ho bhi sakta hai
ajab nahin ki bichhaDne ka faisla kar le
agar ye dil hai to nadan ho bhi sakta hai
mohabbaton mein to sud-o-ziyan ko mat socho
mohabbaton mein to nuqsan ho bhi sakta hai
bahut garan hai judai magar jo hona ho
to phir ye faisla aasan ho bhi sakta hai
bas is KHabar se ki ye shahr hai hujum sa kuchh
bas ek KHabar se ye viran ho bhi sakta hai
Azhar Naqvi 
(937) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544