Dil Mein Dildar Nihan Tha Mujhe Malum Na Tha
dil mein dildar nihan tha mujhe malum na tha
idhar-udhar mein dawan tha mujhe malum na tha
sar-ba-sar anfus-o-afaq mein hai us ka zuhur
parda us ruKH ka ayan tha mujhe malum na tha
sahal samjha tha main haalan ki ye ishq-e-zalim
waqf KHunin-jigran ka tha mujhe malum na tha
baad muddat dil-e-gumrah se main ne jo mila
kaha ro ro ke kahan tha mujhe malum na tha
mashrab-e-ashiq-e-be-nam-o-nishan main 'agah'
la-makan ain makan tha mujhe malum na tha
Baqar Agah Vellori 
(600) Peoples Rate This