Yar Pahlu Mein Nihan Tha Mujhe Malum Na Tha
yar pahlu mein nihan tha mujhe malum na tha
tar-e-gesu rag-e-jaan tha mujhe malum na tha
dil mein wo ghuncha wahan tha mujhe malum na tha
gul shagufa mein nihan tha mujhe malum na tha
wo hi nur-e-do-jahan tha mujhe malum na tha
wahi yan tha wahi wan tha mujhe malum na tha
dil mera kaba-e-jaan tha mujhe malum na tha
nala gulbang-e-azan tha mujhe malum na tha
aankh par Dal diya dair-o-haram ka parda
wahi donon mein nihan tha mujhe malum na tha
sifat-e-nur-e-basarat wo mera parda-nashin
mere parde se ayan tha mujhe malum na tha
husn-e-surat ne diya jalwa-e-mani ka pata
but na tha sang-e-nishan tha mujhe malum na tha
jaanib-e-kaba-e-maqsud tan-e-zar mera
rawish-e-reg-e-rawan tha mujhe malum na tha
be-KHabar paDhne laga 'momin'-o-'ghaalib' ka kalam
kunj-e-KHalwat mein 'bayan' tha mujhe malum na tha
Bayan Meeruti 
(1181) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544