Apne Didar Ki Hasrat Mein Tu Mujhko Sarapa Dil Kar De

apne didar ki hasrat mein tu mujh ko sarapa dil kar de

har qatra-e-dil ko qais bana har zarre ko mahmil kar de

duniya-e-husn-o-ishq meri karna hai to yun kaamil kar de

apne jalwe meri hairat nazzare mein shamil kar de

yan tur o kalim nahin na sahi main hazir hun le phunk mujhe

parde ko uTha de mukhDe se barbaad sukun-e-dil kar de

gar qulzum-e-ishq hai be-sahil ai KHizr to be-sahil hi sahi

jis mauj mein Dube kashti-e-dil us mauj ko tu sahil kar de

ai dard ata karne wale tu dard mujhe itna de de

jo donon jahan ki wusat ko ek gosha-e-daman-e-dil kar de

har su se ghamon ne ghera hai ab hai to sahaara tera hai

mushkil aasan karne wale aasan meri mushkil kar de

'bedam' us yaad ke main sadqe us dard-e-mohabbat ke qurban

jo jina bhi dushwar kare aur marna bhi mushkil kar de

(1235) Peoples Rate This

Your Thoughts and Comments

Apne Didar Ki Hasrat Mein Tu Mujhko Sarapa Dil Kar De In English By Famous Poet Bedam Shah Warsi. Apne Didar Ki Hasrat Mein Tu Mujhko Sarapa Dil Kar De is written by Bedam Shah Warsi. Read famous Poem Apne Didar Ki Hasrat Mein Tu Mujhko Sarapa Dil Kar De for youth and Student by Bedam Shah Warsi. Free Download Apne Didar Ki Hasrat Mein Tu Mujhko Sarapa Dil Kar De in PDF.