کالے موسموں کی آخری رات
تب ہزاروں اندھیروں سے
اک روشنی کی کرن پھوٹ کر
سرد ویران کمرے کے تاریک دیوار و در سے الجھنے لگی
اور کمرے میں پھرتے ہوئے
سیکڑوں زرد ذرے
صداؤں کے آغوش پر
بلبلاتے سسکتے ہوئے
میری جانب بڑھے
میں نے اپنی شہادت کی انگلی اٹھائی
زرد ذروں سے گویا ہوا
دوستو
آؤ بڑھتے چلیں
روشنی کی طرف روشنی کی طرف
روشنی جو ہماری تمناؤں کی پیاس ہے
روشنی کی طرف روشنی کی طرف
روشنی جو ہماری تمناؤں کی پیاس ہے
روشنی جو ہماری تمناؤں کی آس ہے
زرد ذرے میرے ساتھ بڑھنے لگے
روشنی کی طرف روشنی کی طرف
چند ذرے کہ جن کی رگوں میں
سیہ رات کی ظلمتیں بس چکی تھیں
میری باتوں پہ ہنسنے لگے
اور ہنستے رہے
تب ہزاروں اندھیروں کے سینے میں
پھیلا ہوا اک طلسم
روشنی کی تب و تاب سے
ٹوٹنے کے لیے
اور آگے بڑھا
اعجاز راہی 
(622) ووٹ وصول ہوئے
Kale Mausamon Ki AaKHiri Raat In Urdu By Famous Poet Ejaz Rahi. Kale Mausamon Ki AaKHiri Raat is written by Ejaz Rahi. Enjoy reading Kale Mausamon Ki AaKHiri Raat Poem on Inspiration for Students, Youth, Girls and Boys by Ejaz Rahi. Free Dowlonad Kale Mausamon Ki AaKHiri Raat by Ejaz Rahi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends