Jazb-e-dil Jab Ba-ru-e-kar Aaya
jazb-e-dil jab ba-ru-e-kar aaya
har nafas se payam-e-yar aaya
maut ka intizar tha aai
jaiye ab mujhe qarar aaya
jab kisi ne liya tumhaara nam
girya be-qasd-o-iKHtiyar aaya
be-qarari mein ab ye hosh nahin
kis ke dar par tujhe pukar aaya
farsh-e-gul phir bichha rahi hai nasim
aaiye mausam-e-bahaar aaya
aaj hum pi sake na wo aansu
un ke aage jo bar bar aaya
KHair to hai ki aap ke dar se
aaj 'fani' ummid-war aaya
Fani Badayuni 
(786) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544