Kabhi Harif Kabhi Ham-nawa Hamin Thahre
kabhi harif kabhi ham-nawa hamin Thahre
ki dushmanon ke bhi mushkil-kusha hamin Thahre
kisi ne rah ka patthar hamin ko Thahraya
ye aur baat ki phir aaina hamin Thahre
jo aazmaya gaya shahr ke faqiron ko
to jaan-nisar-e-tariq-e-ana hamin Thahre
hamin KHuda ke sipahi hamin muhajir bhi
the haq-shanas to phir rahnuma hamin Thahre
dilon pe qaul-o-amal ke wo naqsh chhoDe hain
ki peshwaon ke bhi peshwa hamin Thahre
'faragh' ran mein kabhi hum ne munh nahin moDa
maqam-e-ishq se bhi aashna hamin Thahre
Faragh Rohvi 
(1157) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544