Hamein To Sath Chalne Ka Hunar Ab Tak Nahin Aaya
hamein to sath chalne ka hunar ab tak nahin aaya
diya apne muqaddar ka nazar ab tak nahin aaya
thin jis baadal ke raste par hawa ki muntazir aankhen
wo shahron tak to aaya tha idhar ab tak nahin aaya
na jaane jangalon mein hum mile kitne daraKHton se
ghana jis ka lage saya shajar ab tak nahin aaya
tazabzub ke andheron mein bhaTakta hai wo ek wada
palaT kar jis ko aana tha wo ghar ab tak nahin aaya
sajaana chhoD de phulon ko in chandi se baalon mein
falak par wo sitara ek agar ab tak nahin aaya
bhula kar bas zara si der sajdon ki ibaadat ko
ye socho kyun duaon mein asar ab tak nahin aaya
jahan lakhon mohabbat ke charaghon se ujala ho
'farah' raushan kisi dil ka wo dar ab tak nahin aaya
Farah Iqbal 
(1867) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544