Suraj Ko Kya Pata Hai Kidhar Dhup Chahiye

suraj ko kya pata hai kidhar dhup chahiye

aangan baDa hai apne bhi ghar dhup chahiye

aaine TuT TuT ke bikhre hain chaar-su

DhunDenge aks aks magar dhup chahiye

bhige hue paron se to uDne na paenge

kaTun na un parindon ke par dhup chahiye

hum se darida-pairahan-o-jaan ke waste

yaqut chahiye na guhar dhup chahiye

suraj na jaane kaun si wadi mein chhup gaya

aur chiKHti phire hai sahar dhup chahiye

ek nind hai ki aankh se lag kar nikal gai

ab raat ka tawil safar dhup chahiye

pani pe chahe naqsh banae koi 'matin'

kaghaz pe main banaun magar dhup chahiye

(676) Peoples Rate This

Your Thoughts and Comments

Suraj Ko Kya Pata Hai Kidhar Dhup Chahiye In English By Famous Poet Ghayas Mateen. Suraj Ko Kya Pata Hai Kidhar Dhup Chahiye is written by Ghayas Mateen. Read famous Poem Suraj Ko Kya Pata Hai Kidhar Dhup Chahiye for youth and Student by Ghayas Mateen. Free Download Suraj Ko Kya Pata Hai Kidhar Dhup Chahiye in PDF.