Kis Ne Di Aawaz Sipar Ki OT Mein Tha

kis ne di aawaz sipar ki oT mein tha

mera sar to us ke sar ki oT mein tha

main ne sat parinde uDte dekhe the

ek parinda aur shajar ki oT mein tha

maidanon shahron mein log salamat hain

marne wala apne ghar ki oT mein tha

yun jagi hai aag sabhi dalanon mein

jaise koi hath sharar ki oT mein tha

kyun aanhken ummidon ki mehman rahin

shayad koi KHwab safar ki oT mein tha

aaj khula dushman ke pichhe dushman the

aur wo lashkar is lashkar ki oT mein tha

'sajid' aaj hunar hai us ke sae mein

lekin kal fankar hunar ki oT mein tha

(1021) Peoples Rate This

Your Thoughts and Comments

Kis Ne Di Aawaz Sipar Ki OT Mein Tha In English By Famous Poet Ghulam Husain Sajid. Kis Ne Di Aawaz Sipar Ki OT Mein Tha is written by Ghulam Husain Sajid. Read famous Poem Kis Ne Di Aawaz Sipar Ki OT Mein Tha for youth and Student by Ghulam Husain Sajid. Free Download Kis Ne Di Aawaz Sipar Ki OT Mein Tha in PDF.