Jahan Mein Kahan Baham Ulfat Rahi Hai
jahan mein kahan baham ulfat rahi hai
magar sirf sahib-salamat rahi hai
hai afsos ai umr jaane ka tere
ki tu mere pas ek muddat rahi hai
ye tufan-e-ashk is mein aankhon ki kashti
tajjub hai kyun kar salamat rahi hai
agarche teri yaad mein KHush hun lekin
in aankhon se dekhun ye hasrat rahi hai
mat ummid bose ki rakh dilbaron se
'huzur' ab kise itni himmat rahi hai
Gulam Yahya Huzur Azimabadi 
(613) Peoples Rate This