Bahaar Aai Hai Sadme Se Hamara Haal Abtar Hai
bahaar aai hai sadme se hamara haal abtar hai
ghaTa ghanghor chhai hai na saqi hai na saghar hai
nishan kya puchhte hain aap hum KHana-ba-doshon ka
kabhi gulshan mein maskan hai kabhi sahra mein bistar hai
haqarat ki nigahon se na farsh-e-KHak ko dekho
amiron ka faqiron ka yahi aaKHir ko bistar hai
'haqir' ek KHwab tha jo aap ne dekha tha london mein
na wo saman hai baqi na ab pahlu mein dilbar hai
Haqeer 
(1099) Peoples Rate This