Kis Ki Us Tak Rasai Hoti Hai

kis ki us tak rasai hoti hai

han magar jis ki aai hoti hai

yar hum se siyah-baKHton ki

zulf tak kab rasai hoti hai

KHub mil kar gale se ro lena

is se dil ki safai hoti hai

Dubti hai hamari kashti-e-dil

aap se aashnai hoti hai

shor hai al-firaq ka har dam

hum se un se judai hoti hai

lashkar-e-gham ki kishwar-e-dil par

raat din ab chaDhai hoti hai

un ki mahfil mein jate Darta hun

wan lagai-bujhai hoti hai

us ke dar par 'haqir' tum bhi chalo

wahin mushkil-kushai hoti hai

(854) Peoples Rate This

Your Thoughts and Comments

Kis Ki Us Tak Rasai Hoti Hai In English By Famous Poet Haqeer. Kis Ki Us Tak Rasai Hoti Hai is written by Haqeer. Read famous Poem Kis Ki Us Tak Rasai Hoti Hai for youth and Student by Haqeer. Free Download Kis Ki Us Tak Rasai Hoti Hai in PDF.