Makin Yahin Ka Hai Lekin Makan Se Bahar Hai

makin yahin ka hai lekin makan se bahar hai

abhi wo shaKHs meri dastan se bahar hai

utar bhi sakta hai sartan ki tarah mujh mein

wo ishq jo mere wahm-o-guman se bahar hai

sawal ye nahin mujh se hai kyun gurezan wo

sawal ye hai ki kyun jism o jaan se bahar hai

na jaane kaise taraazu hua mere dil mein

wo ek tir jo teri kaman se bahar hai

mere wajud ka aaina puchhta hai mujhe

ye aks kab se tere KHak-dan se bahar hai

KHuda-gawah wo is darja KHub-surat thi

ki mera shauq-e-tamasha bayan se bahar hai

hamari jeb mein KHwabon ki rezgari hai

so len-den hamara dukan se bahar hai

mera amin koi tha to wo mera ham-zad

aur ab wahi mere pasmandgan se bahar hai

'hasan' mein hiddat-e-hijran se jal bhi sakta hun

ki mera jism tere saeban se bahar hai

(903) Peoples Rate This

Your Thoughts and Comments

Makin Yahin Ka Hai Lekin Makan Se Bahar Hai In English By Famous Poet Hasan Abbas Raza. Makin Yahin Ka Hai Lekin Makan Se Bahar Hai is written by Hasan Abbas Raza. Read famous Poem Makin Yahin Ka Hai Lekin Makan Se Bahar Hai for youth and Student by Hasan Abbas Raza. Free Download Makin Yahin Ka Hai Lekin Makan Se Bahar Hai in PDF.