Koi Monis Nahin Mera Koi Gham-KHwar Nahin
koi monis nahin mera koi gham-KHwar nahin
kya main itni si murawwat ka bhi haqdar nahin
mere hi dam se jinhen azmat-e-kirdar mili
wahi kahte hain ki main sahab-e-kirdar nahin
ehtimam-e-rasan-o-dar hai ab kis ke liye
main KHatawar nahin aap KHatawar nahin
munsif-e-shahr ko de kaun sawalon ke jawab
ab kisi shaKHs mein bhi jurat-e-guftar nahin
silsila unche makanon ka hai ta-hadd-e-nazar
shahr mein phir bhi kahin saya-e-diwar nahin
qafile wale kahan paenge manzil ka nishan
jazba-e-shauq nahin garmi-e-raftar nahin
kya faqat dad hai shair ki riyazat ka sila
'soz' kya mashq-e-suKHan kawish-e-bekar nahin
Hira Nand Soz 
(1338) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544