Sun Sun Ke Chup Hain Tana-e-aghyar Kya Karen

sun sun ke chup hain tana-e-aghyar kya karen

majbur hain wafa ke parastar kya karen

roen lahu na dida-e-KHun-bar kya karen

majruh jab ho ishq ka pindar kya karen

izhaar-e-haq ke waste mansur ab kahan

baatil-parast hausla-e-dar kya karen

ho jae shash-jihat na kahin ye dhuan dhuan

josh-e-junun mein aah-e-sharar-bar kya karen

saqi ye tishnagi sar-e-mai-KHana ta-ba-kai

jam-o-subu na toDen to mai-KHwar kya karen

jab aastin-e-shaiKH-e-haram gharq-e-baada ho

log ehtiram-e-jubba-o-dastar kya karen

hum 'faKHr' sarkashon ke na aage kabhi jhuke

rakhte hain ek tabiat-e-KHuddar kya karen

(574) Peoples Rate This

Your Thoughts and Comments

Sun Sun Ke Chup Hain Tana-e-aghyar Kya Karen In English By Famous Poet Iftikhar Ahmad Fakhr. Sun Sun Ke Chup Hain Tana-e-aghyar Kya Karen is written by Iftikhar Ahmad Fakhr. Read famous Poem Sun Sun Ke Chup Hain Tana-e-aghyar Kya Karen for youth and Student by Iftikhar Ahmad Fakhr. Free Download Sun Sun Ke Chup Hain Tana-e-aghyar Kya Karen in PDF.