وہ کہتے ہیں کہ آنکھوں میں مری تصویر کس کی ہے
وہ کہتے ہیں کہ آنکھوں میں مری تصویر کس کی ہے
میں کہتا ہوں کہ روشن اس قدر تقدیر کس کی ہے
وہ کہتے ہیں کہ کس نے آپ کو روکا ہے جانے سے
میں کہتا ہوں کہ میرے پانو میں زنجیر کس کی ہے
وہ کہتے ہیں کہ ہے انسان تو اک خاک کا پتلا
میں کہتا ہوں کہ اتنی عظمت و توقیر کس کی ہے
وہ کہتے ہیں کہ دل میں آپ نے کس کو بسایا ہے
میں کہتا ہوں کہ یہ دنیائے دل جاگیر کس کی ہے
وہ کہتے ہیں کہ کس نے جا بجا لکھا ہے میرا نام
میں کہتا ہوں شکستہ اس قدر تحریر کس کی ہے
وہ کہتے ہیں کہ میں نے آپ سا سامع نہیں دیکھا
میں کہتا ہوں کہ اتنی پر کشش تقریر کس کی ہے
وہ کہتے ہیں ترے شعروں میں ہے شوخی قیامت کی
میں کہتا ہوں خیال و فکر میں تنویر کس کی ہے
وہ کہتے ہیں کہ ہم ہیں دشمنان امن کے دشمن
میں کہتا ہوں کہ ان کے ہاتھ میں شمشیر کس کی ہے
وہ کہتے ہیں کہ راغبؔ تم نہیں رکھتے خیال اپنا
میں کہتا ہوں کہ ہر دم فکر دامن گیر کس کی ہے
افتخار راغب 
(742) ووٹ وصول ہوئے
Wo Kahte Hain Ki Aankhon Mein Meri Taswir Kis Ki Hai In Urdu By Famous Poet Iftikhar Raghib. Wo Kahte Hain Ki Aankhon Mein Meri Taswir Kis Ki Hai is written by Iftikhar Raghib. Enjoy reading Wo Kahte Hain Ki Aankhon Mein Meri Taswir Kis Ki Hai Poem on Inspiration for Students, Youth, Girls and Boys by Iftikhar Raghib. Free Dowlonad Wo Kahte Hain Ki Aankhon Mein Meri Taswir Kis Ki Hai by Iftikhar Raghib in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends