Hamein To Intizari Aur Hi Thi
hamein to intizari aur hi thi
magar baad-e-bahaari aur hi thi
sambhalta kya sambhaale se tumhaare
ki dil ko be-qarari aur hi thi
thi mere KHwab se bahar bhi duniya
magar sari ki sari aur hi thi
sabhi kuchh tha hamare dil ke bas mein
magar be-iKHtiyari aur hi thi
hamara dil koi shisha nahin tha
par ab ke sang-bari aur hi thi
jiye garche isi duniya mein hum bhi
magar duniya hamari aur hi thi
Inam Nadeem 
(750) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544