Dayar-e-dil Mein Naya Naya Sa Charagh Koi Jala Raha Hai

dayar-e-dil mein naya naya sa charagh koi jala raha hai

main jis ki dastak ka muntazir tha mujhe wo lamha bula raha hai

phir adh-khula sa koi daricha mere tasawwur pe chha raha hai

ye khoya khoya sa chand jaise teri kahani suna raha hai

wo raushni ki talab mein gum hai main KHushbuon ki talash mein hun

main daeron se nikal raha hun wo daeron mein sama raha hai

wo kam-sini ki shafiq yaaden gulab ban kar mahak uThi hain

udas shab ki KHamoshiyon mein ye kaun lori suna raha hai

suno samundar ki shoKH lahro hawaen Thahri hain tum bhi Thahro

wo dur sahil pe ek bachcha abhi gharaunde bana raha hai

(1869) Peoples Rate This

Your Thoughts and Comments

Dayar-e-dil Mein Naya Naya Sa Charagh Koi Jala Raha Hai In English By Famous Poet Iqbal Ashhar. Dayar-e-dil Mein Naya Naya Sa Charagh Koi Jala Raha Hai is written by Iqbal Ashhar. Read famous Poem Dayar-e-dil Mein Naya Naya Sa Charagh Koi Jala Raha Hai for youth and Student by Iqbal Ashhar. Free Download Dayar-e-dil Mein Naya Naya Sa Charagh Koi Jala Raha Hai in PDF.