Kuchh Aise ZaKHm Bhi Dar-parda Humne Khae Hain

kuchh aise zaKHm bhi dar-parda hum ne khae hain

jo hum ne apne rafiqon se bhi chhupae hain

ye kya bataen ki hum kya ganwa ke aae hain

bas ek zamir ba-mushkil bacha ke lae hain

ab aa gae hain to pyase na jaenge saqi

kuchh aaj soch ke hum mai-kade mein aae hain

koi hawaon se kah do idhar ka ruKH na kare

charagh hum ne samajh-bujh kar jalae hain

jahan kahin bhi sada di yahi jawab mila

ye kaun log hain puchho kahan se aae hain

chaman mein dekhiye ab ke hawa kidhar ki chale

KHizan-nasibon ne phir aashiyan banae hain

safar pe nikle hain hum pure ehtimam ke sath

hum apne ghar se kafan sath le ke aae hain

unhen parae charaghon se kya gharaz 'iqbaal'

jo apne ghar ke diye KHud bujha ke aae hain

(1310) Peoples Rate This

Your Thoughts and Comments

Kuchh Aise ZaKHm Bhi Dar-parda Humne Khae Hain In English By Famous Poet Iqbal Azeem. Kuchh Aise ZaKHm Bhi Dar-parda Humne Khae Hain is written by Iqbal Azeem. Read famous Poem Kuchh Aise ZaKHm Bhi Dar-parda Humne Khae Hain for youth and Student by Iqbal Azeem. Free Download Kuchh Aise ZaKHm Bhi Dar-parda Humne Khae Hain in PDF.