بہت چپ ہوں کہ ہوں چونکا ہوا میں
بہت چپ ہوں کہ ہوں چونکا ہوا میں
زمیں پر آ گرا اڑتا ہوا میں
بدن سے جان تو جا ہی چکی تھی
کسی نے چھو لیا زندہ ہوا میں
نہ جانے لفظ کس دنیا میں کھوئے
تمہارے سامنے گونگا ہوا میں
بھنور میں چھوڑ آئے تھے مجھے تم
کنارے آ لگا بہتا ہوا میں
بظاہر دکھ رہا ہوں تنہا تنہا
کسی کے ساتھ ہوں بچھڑا ہوا میں
چلا آیا ہوں صحراؤں کی جانب
تمہارے دھیان میں ڈوبا ہوا میں
اب اپنے آپ کو خود ڈھونڈھتا ہوں
تمہاری کھوج میں نکلا ہوا میں
مری آنکھوں میں آنسو تو نہیں ہیں
مگر ہوں روح تک بھیگا ہوا میں
بنائی کس نے یہ تصویر سچی
وہ ابھرا چاند یہ ڈھلتا ہوا میں
ارشاد خان سکندر 
(608) ووٹ وصول ہوئے
Bahut Chup Hun Ki Hun Chaunka Hua Main In Urdu By Famous Poet Irshad Khan ’Sikandar’. Bahut Chup Hun Ki Hun Chaunka Hua Main is written by Irshad Khan ’Sikandar’. Enjoy reading Bahut Chup Hun Ki Hun Chaunka Hua Main Poem on Inspiration for Students, Youth, Girls and Boys by Irshad Khan ’Sikandar’. Free Dowlonad Bahut Chup Hun Ki Hun Chaunka Hua Main by Irshad Khan ’Sikandar’ in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends