Aish Ke Jalse Hujum Aalam Ke
aish ke jalse hujum aalam ke
shobade hain gardish-e-ayyam ke
himmat-e-mardana tujh ko aafrin
kar ke chhoDa sar hue jis kaam ke
subh ke bhule to aae sham ko
dekhiye kab aaen bhule sham ke
tu hi kar taklif o paik-e-saba
muntazir hain wo mere paigham ke
hasha lillah mai-kade ke kase len
mo'taqid hun zahid-e-ullam ke
miT gai hai dil se aazadi ki yaad
kitne KHugar ho gae hum dam ke
ab to charche ja-ba-ja hone lage
waizon ki bang-e-be-hangam ke
Ismail Merathi 
(711) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544