میں اگر وہ ہوں جو ہونا چاہئے
میں اگر وہ ہوں جو ہونا چاہئے
میں ہی میں ہوں پھر مجھے کیا چاہئے
غرق خم ہونا میسر ہو تو بس
چاہئے ساغر نہ مینا چاہئے
منحصر مرنے پہ ہے فتح و شکست
کھیل مردانہ ہے کھیلا چاہئے
بے تکلف پھر تو کھیوا پار ہے
موجزن قطرہ میں دریا چاہئے
تیز غیروں پر نہ کر تیغ و تبر
آپ اپنے سے مبرا چاہئے
ہو دم عرض تجلی پاش پاش
سینہ مثل طور سینا چاہئے
حسن کی کیا ابتدا کیا انتہا
شیفتہ بھی بے سر و پا چاہئے
پارسا بن گر نہیں رندوں میں بار
کچھ تو بیکاری میں کرنا چاہئے
کفر ہے ساقی پہ خست کا گماں
تشنہ سرگرم تقاضا چاہئے
(944) ووٹ وصول ہوئے
Main Agar Wo Hun Jo Hona Chahiye In Urdu By Famous Poet Ismail Merathi. Main Agar Wo Hun Jo Hona Chahiye is written by Ismail Merathi. Enjoy reading Main Agar Wo Hun Jo Hona Chahiye Poem on Inspiration for Students, Youth, Girls and Boys by Ismail Merathi. Free Dowlonad Main Agar Wo Hun Jo Hona Chahiye by Ismail Merathi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends