Dil Ki Har Baat Dhyan Mein Guzri

dil ki har baat dhyan mein guzri

sari hasti guman mein guzri

azal-e-dastan se is dam tak

jo bhi guzri ek aan mein guzri

jism muddat teri uqubat ki

ek ek lamha jaan mein guzri

zindagi ka tha apna aish magar

sab ki sab imtihan mein guzri

hae wo nawak-e-guzarish-e-rang

jis ki jumbish kaman mein guzri

wo gadai gali ajab thi ki wan

apni ek aan-ban mein guzri

yun to hum dam-ba-dam zamin pe rahe

umr sab aasman mein guzri

jo thi dil-taeron ki mohlat-e-bud

ta zamin wo uDan mein guzri

bud to ek takan hai so KHuda

teri bhi kya takan mein guzri