Na KHum-o-subu Hue Chur Abhi Na Hijab-e-pir-e-mughan UTha

na KHum-o-subu hue chur abhi na hijab-e-pir-e-mughan uTha

abhi mast baada-parast hain abhi lutf-e-baada kahan uTha

jo huzur chin-ba-jabin hue kaha kis ne shor-e-fughan uTha

rahe KHair barq-e-nigah ki koi dil jala na dhuan uTha

ye kahe zamana jawan hai to qadam aisa mard-e-jawan uTha

jo na bar-e-ishq uTha sake to bala se tegh-o-sinan uTha

ye kahan bahaar-e-jamal hai ki jahan KHizan na zawal hai

teri bazm-e-naz se jo uTha wo hasin uTha wo jawan uTha

jo baDhe to jaan pe aa bane jo ghaTe to jaan pe aa bane

jise dil nasib se mil gaya ajab us ke dard-e-nihan uTha

kisi rahguzar mein paDe hain hum abas aasman ki hain ranjishen

koi lakh uThae uThenge kya kahin panw ka bhi nishan uTha

hai hijab-e-husn ka ye asar kisi KHud-parast ko kya KHabar

jo azal se sine mein josh tha wahi ban ke shor-e-fughan uTha

kisi mai-kada mein raha 'jigar' ki tha mahw-e-KHwab mein raat bhar

huin kya bashaaraten subh-dam ki uTha to zamzama-KHwan uTha

jo hue farishton mein mashware kare kaun ishq ki rah tai

kamar apni bandh ke jo uTha to 'jigar' sa mard-e-jawan uTha

(552) Peoples Rate This

Your Thoughts and Comments

Na KHum-o-subu Hue Chur Abhi Na Hijab-e-pir-e-mughan UTha In English By Famous Poet Jigar Barelvi. Na KHum-o-subu Hue Chur Abhi Na Hijab-e-pir-e-mughan UTha is written by Jigar Barelvi. Read famous Poem Na KHum-o-subu Hue Chur Abhi Na Hijab-e-pir-e-mughan UTha for youth and Student by Jigar Barelvi. Free Download Na KHum-o-subu Hue Chur Abhi Na Hijab-e-pir-e-mughan UTha in PDF.