Kahan Tak BaDh Gai Hai Baat Likhna
kahan tak baDh gai hai baat likhna
mere ganw ke sab haalat likhna
jawan beTon ki lashon ke alawa
mili hai kaun si saughat likhna
koi sota hai ya sab jagte hain
wahan kaTti hai kaise raat likhna
lahu dharti mein kitna bo chuke ho
nai faslon ki bhi auqat likhna
kahan jalta raha dharti ka sina
kahan hoti rahi barsat likhna
hamari sar-zamin kis rang mein hai
wahan bahte lahu ki zat likhna
main chhup kar ghar mein aana chahta hun
lagi hai kis gali mein ghat likhna
Kanval Ziai 
(838) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544