عشق کی دنیا میں کیا کیا ہم کو سوغاتیں ملیں
عشق کی دنیا میں کیا کیا ہم کو سوغاتیں ملیں
سونی صبحیں روتی شامیں جاگتی راتیں ملیں
یا برستی دھوپ میں تپتے سلگتے دن ملے
یا ردائے درد میں لپٹی ہوئی راتیں ملیں
کچھ صباحت کچھ ملاحت تھی نصیب عاشقاں
آنسوؤں کے رنگ میں نمکین برساتیں ملیں
گہ اجڑ جانے کا ماتم گہ بچھڑ جانے کا شور
دل کے اندر جب ملیں نوحوں کی باراتیں ملیں
کھوکھلے چہروں پہ سیم و زر کی تھیں آرائشیں
اہل معنی کو مگر لفظوں کی خیراتیں ملیں
کھیلنے والے تو بس دس بیس شطرنجی رہے
دیکھنے والوں کو شہ ماتوں پہ شہ ماتیں ملیں
زلزلے آئے تو جو پیکر تھے سنگ و خشت کے
ان کے ہونٹوں پر دعائیں اور مناجاتیں ملیں
عشق کو فکر و شعور زندگی درکار تھا
اور اسے نا پختہ ذہنوں کی کراماتیں ملیں
ہم انہی کو شعر کا قالب عطا کرتے رہے
بے صدا ہونٹوں پہ جو بکھری ہوئی باتیں ملیں
کس طرح کہتے کرمؔ دنیا سے اپنے دل کا حال
دوستوں سے بھی ادھوری سی ملاقاتیں ملیں
کرم حیدرآبادی 
(692) ووٹ وصول ہوئے
Ishq Ki Duniya Mein Kya Kya Hum Ko Saughaten Milin In Urdu By Famous Poet Karam Hyderabadi. Ishq Ki Duniya Mein Kya Kya Hum Ko Saughaten Milin is written by Karam Hyderabadi. Enjoy reading Ishq Ki Duniya Mein Kya Kya Hum Ko Saughaten Milin Poem on Inspiration for Students, Youth, Girls and Boys by Karam Hyderabadi. Free Dowlonad Ishq Ki Duniya Mein Kya Kya Hum Ko Saughaten Milin by Karam Hyderabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends