Ye Aarzu Hai Hazar Mein Hon Ya Safar Mein Rahen

ye aarzu hai hazar mein hon ya safar mein rahen

tere KHayal mein guzren teri nazar mein rahen

jo yaad-e-yar satati hai ab na fikr-e-visal

to chal ke dur kahin arsa-e-KHatar mein rahen

ajib lutf se guzren ye din jo yun guzren

ki tere dil mein rahen aur apne ghar mein rahen

ye sadgi hai ki dil chahta hai yun bhi ho

kabhi zamin pe rahen aur kabhi qamar mein rahen