Nahin KaTta Hai Ye Maidan-e-bala
nahin kaTta hai ye maidan-e-bala
wadi-e-KHizr bayaban-e-bala
mustaid zulf meri ranj pe hai
hai muhayya sar-o-saman-e-bala
mar gaya gesu-e-pur-pech mein dil
chhuT gaya qaidi-e-zindan-e-bala
haar phulon ki hain choTi mein ayan
kya hi phula hai gulistan-e-bala
bole bikhra ke wo zulfen apni
hum hue silsila-jumban-e-bala
unchi choTi hai ghazab ai yam-e-husn
kya hi uTTha hai ye tufan-e-bala
kan ki lau teri zulfon mein nahin
hai charagh-e-tah-e-daman-e-bala
garmi-e-ruKH se araq-rez hai zulf
hai guhar-bar ye naisan-e-bala
dil mere sine mein hai mahw-e-mizha
hai yahi sher-e-niyastan-e-bala
(374) Peoples Rate This