Un Ke Gesu Sanwarte Jate Hain
un ke gesu sanwarte jate hain
hadse hain guzarte jate hain
waqt sunta hai jin ki aawazen
hae wo log marte jate hain
Dubne wale mauj-e-tufan se
jaane kya baat karte jate hain
yun guzarte hain hijr ke lamhe
jaise wo baat karte jate hain
hosh mein aa rahe hain diwane
kis ke jalwe bikharte jate hain
kya KHabar aaj kis ki yaadon ke
'naqsh' dil par ubharte jate hain
Mahesh Chandra Naqsh 
(374) Peoples Rate This