Zindagi Ka Bana Sahaara Bhi
zindagi ka bana sahaara bhi
aur un ke karam ne mara bhi
ishq hi phir palaT ke aa na saka
husn-e-maghrur ne pukara bhi
kaun Duba jo yun pasheman hai
mauj-e-tufan bhi tez dhaara bhi
hum na duniya ki rah par chalte
dil ko hota agar gawara bhi
umr bhar tirgi se khele hai
koi hansta hua sitara bhi
phul rote hain KHar hanste hain
dekh! gulshan ka ye nazara bhi
dil ki duniya to jagmaga uTThe
'naqsh' bhaDke koi sharara bhi
Mahesh Chandra Naqsh 
(374) Peoples Rate This