Faeda Kya Tumhein Sunane Ka
faeda kya tumhein sunane ka
maut unwan hai is fasane ka
hum bhi apne nahin rahe ai dil
kis se shikwa karen zamane ka
zindagi chaunk chaunk uTThi hai
zikr sun kar sharab-KHane ka
kis ki aankhon mein aae hain aansu
ruKH badalne laga zamane ka
barq nazron mein kaund uThti hai
nam sunte hi aashiyane ka
'naqsh' kashti ke naKHuda wo hain
lutf hai aaj Dub jaane ka
Mahesh Chandra Naqsh 
(392) Peoples Rate This