Nala-bar-lab Haram Se Nikalna PaDa
nala-bar-lab haram se nikalna paDa
ek dua mang kar hath malna paDa
rahguzar mein na tha aashna koi shaKHs
phir bhi har shaKHs ke sath chalna paDa
kaisi shabnam kahan ke nasim-o-sahab
apne shoale mein har gul ko jalna paDa
aadatan KHizar ke sath duniya chali
fitratan hum ko aage nikalna paDa
chalte chalte jahan 'shor' hum ruk gae
apna ruKH hadson ko badalna paDa
Manzoor Husain Shor 
(414) Peoples Rate This