Talluq Ki KaDi TuTi Nahin Hai
talluq ki kaDi TuTi nahin hai
umid-e-zindagi TuTi nahin hai
faqat milna-milana kam hua hai
hamari dosti TuTi nahin hai
baDi aandhi chali hai is chaman mein
magar koi kali TuTi nahin hai
kamanden phenkiye aql o KHirad ki
fasil-e-agahi TuTi nahin hai
purane bans ke pul ki hamare
koi bhi aas abhi TuTi nahin hai
suna hai bawajud-e-zor hum ne
dhanak rawan se bhi TuTi nahin hai
Misdaque Azmi 
(535) Peoples Rate This